E-Tabib mobil tətbiqinə funksionallıqların artırılması layihəsi

İcbari Tibbi Sığorta üzrə Dövlət Agentliyinin sifarişi əsasında hazırlanan e-Tabib Azərbaycan vətəndaşlarının, həmçinin Azərbaycanda müvəqqəti və daimi yaşama hüququ olan xarici ölkə vətəndaşlarının yararlana biləcəyi mobil tətbiqdir. Tətbiq həm IOS, həm də Android platformalarda mövcuddur.

Mobil tətbiqdən istifadə edən istifadəçilər şəxsi məlumatlarını, verilən laborator analizlərin nəticələrini, Tibb müəssisələrinə etdikləri müraciətlərin məlumatlarını , müraciətin diaqnozunu və göstərilən tibbi xidmətləri, həkim göndərişlərini, Ailə həkimi haqqında məlumatları, Əlillik müraciətinin statusunu, İTSDA şəhadətnaməsini, İnstrumental diaqnostik müayinələrin rəylərini və şəkillərini görə bilərlər.
O cümlədən, Tibb müəssisələrinə asanlıqla onlayn növbə götürmək, alınan tibbi xidmətin keyfiyyətini qiymətləndirmək, Tibb müəssisələrinin xəritə üzərindən axtarışını etmək, Xidmətlər zərfi ilə təminata alınan xidmətləri, Milli Peyvənd Təqvimini izləmək, İcbari Tibbi sığorta üzrə Dövlət Agentliyinə müraciət etmək və birbaşa tətbiqdən 102 Təcili və Təxirəsalınmaz Tibbi yardımla əlaqə saxlamaq və s. bu kimi imkanlardan yararlanmaq mümkündür.